Marrëdhëniet janë punë e vështirë.

Pasi të keni kaluar periudhën fillestare të të dashuruarit – shpesh të referuar si “faza e muajit të mjaltit” – realiteti zhytet dhe ju do të filloni të keni ndjenja më të thella për personin që po takoni, ndërsa edhe do të filloni të mendoni nëse ai është apo nuk është për ju.

Por shenjat mund të jenë të vështira për tu identifikuar, veçanërisht nëse nuk keni qenë kurrë më parë në një marrëdhënie afatgjate, transmeton portal arbresh.info

Sa duhet të jeni të gatshëm të sakrifikoni për personin tjetër? A ka rëndësi nëse interesat tuaja nuk përputhen? Po sikur të debatoni shumë?

Ekspertët kanë dhënë përgjigjjet për Independent, transmeton portal arbresh.info

Kompromisi

Çelësi i çdo marrëdhënieje të suksesshme është kompromisi, thotë Kate Moyle, psikoterapiste e marrëdhënieve dhe nikoqire e podkastit The Sexual Ëellness Sessions. “Gjithmonë do të jetë një grindje midis nevojave individuale të atyre që përfshihen, dhe ne nuk duhet të presim që të jemi në linjë të përkryer ose të pajtohemi për gjithçka”, tha ajo.

Sipas saj, mënyra se si gjendemi në një situatë dhe si ia dalim që të bëjmë kompromis, është tregues se sa të përshtatshëm jeni. Nëse partneri juaj nuk ka vështirësi që t’ju takojë edhe kur jeni në mes të një mosmarrëveshje, atëherë ai është i duhuri.

Ju bën të ndiheni mirë

Personi i duhur që do t’ju fuqizojë, pa dyshim është vetja juaj, thotë trajneri i takimeve James Preece.

“Sigurisht që një partner i mirë, do t’ju bëj komplimente dhe do t’ju theksojë se sa të mrekullueshëm jeni”, shtoi ai.  Megjithatë, eksperi shton se nëse partneri juaj flet vetëm për pamjen tuaj dhe jo për mendimet, atëherë duhet të ngrisni flamurin e kuq.

Një partner i mirë dëshiron që ju të ndiheni mirë me të gjitha dhe të mos dyshoni tek vetja.

Është dëgjues i mirë

Një partner i mirë do të dëgjojë me vëmendje gjithçka që keni për të thënë, pavarësisht se sa i mërzitshme mund të jetë biseda.

“Kjo mund të nënkuptojë që ai të dëgjojë edhe për një bisedë koti që mund të kishit me një kolege pune, por megjithatë ai po ju bën të ndiheni e dëgjuar”, shtoi Moyle. “Aftësia për të dëgjuar njëri -tjetrin dhe për t’i dhënë hapësirë tjetrit për t’u ndier të dëgjuar, edhe nëse përmbajtja e diskutimit nuk është me interes për ne si individ, i tregon atij personi se ata janë të denjë për kohën dhe vëmendjen tone”, shton ekspertja.

Keni vlera të ngjajshme

Nuk keni nevojë të keni të njëjtat interesa si një partner i mundshëm afatgjatë. Në fakt, ndonjëherë ndihmon të kesh krejtësisht të ndryshme, sepse jep diçka për të diskutuar.

Kur keni vlera të njejta, gjërat bëhet shumë më të lehta dhe marrëdhenia në përgjithësi është më e lehtë. Mund të jenë pikëpamjet tuaja për fëmijët, ku dëshironi të jetoni, ose thjesht si zgjidhni të jetoni jetën tuaj. Çfarëdo që të jetë, nëse është e rëndësishme për ju, duhet të jetë e rëndësishme edhe për partnerin tuaj.

Nuk keni frikë të thoni atë që mendoni

Kur jeni me personin e duhur, nuk ka gjykime, thonë ekspertët.

Sipas tyre, ju duhet të ndjeheni të lirë dhe të jeni vetvetja në një marrëdhënie.

Sipas ekspertëve, gjëja më e mirë është që të keni në krah dikë që ju dëgjon, ndihmon dhe nuk ndihet në siklet kur thoni gjërat ashtu sikurse mendoni./arbresh.info/